鍾嘉欣噚日接受商台《1圈圈》訪問，佢自爆初入行時，有段時間感覺好灰，覺得被迫去適應呢個多姿多采嘅世界，好彩有「阿哥」馬浚偉，嘉欣話︰「佢見我病成日喊，會不停開解我，但係到咗拍《蒲松齡》，我已經係崩潰狀態，可以三個半月冇瞓覺，好似喪屍咁，會自尋煩惱同想自尋短見，好彩同馬仔合作《當旺爸爸》時，個人開始好啲搵番快樂。」