李嘉欣生了囝囝Jayden Max之後，有仔萬事足，年頭曾傳懷上第二胎，但其後證實誤傳。嘉欣上月在台灣宣佈封肚，昨日出席活動時，坦言湊一個已分身不暇，笑言老公有女性恐懼症，不敢多添一個女，現時囝囝對他冷淡，老公已恍如失戀，十分搞笑。
李嘉欣昨日在銅鑼灣接受now電視節目訪問，主持人區永權帶了囝囝探班，嘉欣一見小男生就開心，更即時抱抱又跟他玩積木，不過區永權的囝囝就沒甚麼反應，自顧自玩。
重申已封肚
嘉欣在訪問中分享育兒心得，她覺得湊仔方法人人不同，自己心得是多陪伴：「湊仔唔能夠盡信人，有人狂谷，有人放縱，我嘅心得係父母要陪多啲，啱佢性格就得，自己都係見步行步。」她指陪囝囝Jayden Max多，囝囝都比較黐她：「佢同我玩得好癲，同爹哋就傾偈多啲，爹哋放工會抱吓佢。」囝囝不黐爹哋許晉亨，老公可有呷醋？嘉欣說：「有呀，爹哋都有呷醋同失落，好似失戀咁。」
現時19個月大的Jayden Max讀play group，她指暫定會照原定計劃，讓囝囝讀本地學校。作為家長，可擔心國民教育？她說：「件事暫時都告一段落，好多教材都未出到嚟，其實香港人都有愛國嘅心，要睇咗書本同教材先知。」上月她在台灣出席活動時，表示不會再生，她昨日重申封肚：「千祈唔好喇，我唔生㗎喇，千祈唔好生個女出嚟。」
嫌女仔麻煩
嘉欣指因老公擔心將來要照顧女兒的情緒問題，現時湊嘉欣已經如同湊女，她笑着說：「佢本身覺得女仔係麻煩，有女性恐懼症，如果又嚟多個公主，佢就唔係好欣賞。」
採訪：張俊銘 攝影：黃文偉