馮仁昭四圍超:<br>超雲超蓮做主持 爆名人私生活 - 馮仁昭

馮仁昭四圍超:
超雲超蓮做主持 爆名人私生活 - 馮仁昭

無綫非戲劇製作總監余詠珊搞完港姐之後又有新搞作,幫無綫收費電視台搞咗個節目《不得了》,專係講世界各地一啲香港人甚少認識嘅名人生活,早前已經公開招募台前幕後包括主持、記者、撰稿員、導演等。

何超蓮(右)同家姐超雲都見識唔少,如果做節目主持都幾有睇頭。 資料圖片

落選港姐做主持

余詠珊話因為想講名人嘅生活,所以會搵啲富二代做主持,其中佢對何家淑女、賭王何鴻燊嘅兩位靚千金何超蓮、何超雲好有興趣,余詠珊話:「其實呢啲主持好似blogger咁,超蓮佢哋一定係好識嘢,佢哋知嘅嘢、去嘅地方未必係一般人常常去嘅地方。」超蓮一直係唔少宅男嘅女神,如果佢真係做電視節目主持帶觀眾遊埠見識,馮仁昭都覺得有睇頭。
其實主持除咗瞄準呢類有吸引力嘅富二代外,余詠珊之前已經喺一班落選港姐裏面揀咗蟀,張鈞美、尤蔭蔭、譚曉榆都成功過關將會入選接受訓練,而節目嘅招募行動已經截止,將喺嚟緊星期日(16日)進行面試。

落選港姐尤蔭蔭、張鈞美同譚曉榆(小圖)已經試咗鏡,俾余詠珊取錄咗有機會拍嘢。 資料圖片