倫敦殘奧剛剛完結，前阿仙奴嘅德國門將列文（圖），就講好咗話有興趣參加4年後嘅巴西殘奧；大家唔好誤會佢身體有乜事，佢只係想代表盲人足球隊，擔任門將一職，因為殘奧嘅盲人足球賽中，守門員係可以由視力健全嘅人擔任。家42歲嘅列文之前曾參加過元老賽，身手都keep得唔錯，4年後如果冇走樣，佢嘅級數真係屈晒機。