保皇黨為咗選票真係乜都肯制，工聯會王國興（圖）轉戰港島，為爭取福建幫支持，連祖宗都可以出賣，鄉下由「廣西北海」變「福建漳州」。噚日「亡國興」當選後又有創舉，即刻宣佈準備舉家由新界西搬去港島，報答一班同鄉選民支持。亡國興話，工聯會喺港島歷史性插旗贏得好艱難，最少俾人走成萬票，全賴福建同鄉最後關頭不離不棄。佢仲話，自己習慣喺邊區贏就搬去邊區。不過港島區樓價高到嚇親人，佢話要向狼特首爭取推多幾招，搞搞個樓市，快啲幫佢上樓喎。