【本報訊】民主黨直選議席由7席減至4席，在新界西全軍盡墨，尋求連任的李永達和太太陳樹英雙雙出局；民主黨主席何俊仁將選舉失利歸咎是「深層次原因」，否認是選民不支持政改方案，以選票懲罰該黨；堅持民主黨理性、與中央談判的路線正確。民主黨兩年前走入中聯辦密室會談，「成功爭取」政改方案的畫面歷歷在目，結果今屆新增的5席中有4席地區落入建制派之手，超級區議會5席取其3。何俊仁昨總結選舉結果時歸咎是策略失誤，「我哋喺新界西咁輸法，係好多方面原因，包括選舉策略，我哋高估咗自己嘅支持度，令兩個候選人啲票配到啱啱輸」。即使如此，何不認為巿民的選擇代表否定政改方案，「雖然有咁嘅結果，但我哋會繼續走理性、務實、進步嘅路線，要推動香港政制發展，需要同北京有會談、有談判，呢一點仍然係堅定嘅」。
歸咎失利是策略失誤
何俊仁更指今次他與涂謹申、馮檢基透過超級區議會晉身立法會是成果之一，「就好似今次增加咗10席，一樣有民主派可以入到議會，我哋都有3票，我哋會繼續堅持方案」，仍然歸咎選舉失利是策略失誤。至於意外成為「票王」的涂謹申，是黨內少數政改方案反對派，他在選前表明會爭取取消超級議席。他昨日解釋民主黨在直選大敗，但超級議席高票當選的怪現象，他指市民投他一票，是清楚表達政治訊息，並非支持政改方案，「我知道係有好多原本諗住投白票嘅選民含住淚投畀我，佢哋希望涂謹申透過呢個議席，去爭取真普選，取消功能組別。」當年因為不認同政改方案而出走，與其他30名少壯派黨友成立新民主同盟的范國威，在今次新界東勝出，成功爭取最後一席，以28,621票入局；他認為民主黨大敗，正好反映選民否定政改方案，「新西向來係民主黨嘅橋頭堡，家一席都冇，證明當年佢哋支持（政改）係錯，希望佢哋可以修正」。