雖然前鋒杜奧巴會離開上海申花，重返歐洲球場嘅傳聞一直冇停過，一時話佢會去利物浦，一時又話祖雲達斯對佢有興趣；不過，呢名科特迪瓦國腳不愧係跑慣碼頭嘅老江湖，知道自己一日仲喺中超球隊效力，都唔好得失中國球迷。好似最近中國發生咗雲南地震，34歲嘅杜奧巴就喺個人微博度（圖）哀悼地震嘅死難者，仲話會每日為大家嘅安全而祈禱㖭！