上星期終於有機會到Hysan Place朝聖，你可以話我Out，但有時真係好怕逼新商場，沙甸魚咁嘅人潮，邊有機會細心望吓逛吓！誠品當然係重點，不過最令我意想不到嘅係URBAN Bakery，佢陣麪包香，真係離遠十米都聞到。入得去，當然要試佢嘅王牌──牛角酥，原味嘅牛角酥，顏色較街上嘅深，用手一撕，一層層的酥皮好似海綿咁鬆軟，聽聞佢哋係用有《法國產區管制標籤》（A.O.C）認證嘅法國進口優質牛油，唔怪得牛油味濃到不得了，一次過要秒殺兩個先至夠喉！除咗原味，仲有杏仁、朱古力同芝士味揀，而我就覺得原味係最正嘅！店舖入面，除咗牛角酥外，仲紅莓法包、肉桂酥、拿破崙酥等，係我嘅其他心水選擇。 查詢：2795 3168
原味法國牛角酥 $12