【本報訊】盲婆婆笑了！獨守菜園村孤屋，曾經被人遺忘的失明婆婆謝珠英，決定離開住了30多年的石屋，入住元朗一家快將落成的安老院。上月中，《蘋果》報道她的故事，牽動了無數善良的心，握着一雙雙陌生人的手，冷暖人情盡在婆婆心中。如今，塵埃落定，她終於放下心頭大石，開懷而笑。
記者：邱錦綉 梁琬珊
「好多人嚟探我，送好多嘢畀我，我幾唔好意思！」謝婆婆笑着說。
每逢周日，就有很多後生仔女來探她，上周日兩名在迪士尼工作的少女，帶着烏龍茶葉和玫瑰綠茶葉上門，「我都未買過呢啲茶，又幾好飲」。兩名少女又婆婆：「你當我係你個孫，第日帶埋男朋友嚟，結婚請埋你。」逗得婆婆笑逐顏開。臨走時，兩人還表示想帶婆婆去感受一下迪士尼，婆婆說：「唔好啦，都睇唔見，搭車又易暈。」兩名熱心的少女最後留下600元現金給謝婆婆傍身。
善長閒時探婆婆
婆婆還記得一位姓方的教車師傅，專程和女朋友從觀塘帶着一個大柚子來探望她，「佢哋就快結婚，話當拍拖周圍行吓」。還有一位髮型師，亦趁假期帶女朋友探婆婆，「佢畀張卡片我，話免費幫我剪頭髮，哈！」
對於不斷有善心人捐贈日用品，婆婆眼睛雖看不見，心中卻泛起暖意地說：「佢哋又送維他奶又送餅乾、廁紙，真係好感謝佢哋。」她指，自己身體日差，已經答應社署安排，等待元朗安老院落成後搬往居住。
怕亡夫冇瓦遮頭
至於陪伴了她30多年的石屋，日前曾有善心人欲用200萬元收購，但婆婆思前想後，終於拒絕了好意。
原來她只擁有房子一半業權，另一半屬二房的孫，即使賣出也只分得一半錢，「最多分一百萬，啲親戚話家一百萬買唔到屋」。不過，令她最終打消賣屋念頭的是那座擺放亡夫靈位的神枱，怕它「冇瓦遮頭」，「老嘢（亡夫）之前報夢，話冇人同佢整間屋，知道我哋冇錢整，間屋就嚟爛……」她指，感受到丈夫怕失去家園，只有放棄出售，讓神枱繼續安放，她更問記者：「唔知啲姑娘肯唔肯帶我返嚟裝香？」