「我有六個爸爸，姨姨、叔叔、姑娘佢哋全部都係我爸爸！」今年9歲的包包（化名）天真地說。「佢自細就住喺醫院，完全冇『家』嘅概念，覺得錫佢嘅就係叫『爸爸』。」寄養家長黎太笑道，「第一日帶佢嚟時經過樓下平台，佢仲問我呢個係咪就係『屋企』，真係俾佢激死」。 記者：李錦欣
數年前在職場退下火線的黎太，受到「退休後遺症」困擾，感到無所事事。熱心的她在家人支持下擔任寄養家長。經過一連串嚴謹考核，包括社工評估、身體檢查和家訪後，黎太終過關，正式成為寄養家庭的「姨姨」。現時居於黎太家的兩名寄養「小豆丁」，除「家姐」包包外，還有一名3歲的「細佬」。一年半前，細佬開始住進黎太家，有時周末隨生父外出遊玩。社工陳姑娘表示，入住寄養家庭的小朋友多數有父母，但家長可能因健康或精神等問題，暫時不宜照顧他們。九個多月前，陳姑娘覺得黎太十分適合照顧有輕度智障、患有長期病的孤兒包包，安排兩人見面，成功撮合她們。
社工支援度過難關
無私的愛，令湊仔的辛酸也變快樂！黎太憶述：「細佬開頭嚟嗰陣成日喊，屋企人晚晚都冇覺好瞓，好彩兩個月後都適應咗。」她續說：「湊包包就辛苦好多咯！」包包過去一直住在醫院，從未見識過外面的世界，亦欠缺自理能力。黎太苦笑道：「最初佢連食飯、行樓梯、着衫都唔識，因為醫院冇人教。」包包出院後病況反覆，由每月覆診一兩次驟增至五次，每次動輒花上半天，山長水遠，黎太坦言曾想放棄，「有諗過完咗，唔再續約」。幸社工適時提供支援，如提供資助予黎太乘的士帶包包覆診。經黎太「特訓」後，包包已學懂基本自理能力，記者探訪當天，包包更指着排列整齊的鞋子滿意地說：「呢啲鞋都係我自己執㗎！」黎太說，「姊弟」相處雖短暫，但感情深厚，細佬會留起學校派的紅雞蛋，拿回家與包包一同分享。不太懂與人相處的包包也感受到細佬的心意，齊齊開心吃蛋。「姊弟」又不時牽住「姨姨」的手，「冧」爆的黎太滿足地說：「細佬會講『姨姨你係咪凍呀？我拎件衫畀你吖！』，包包又會話『叔叔你去咗返工，我都好掛住你呀！』。」寄養家長角色有限期，黎太明白「姊弟」終有一天會離「家」，雖不捨，但也要放手。她憐惜地摸着包包的頭道：「總希望有人領養佢，畀一個真正嘅家佢。」聖公會聖基道兒童院寄養服務查詢電話：3583 0411網頁： http://www.skhsch.org.hk社會服務◆匿名投訴恕不處理。一經投訴，本報保留刊登權利◆報料熱線：2929 0000◆社會服務熱線：2990 8288◆蘋果日報慈善基金：2990 8688◆電郵：mailto:[email protected]◆傳真：3711 2468◆網址： http://charity.appledaily.com.hk