近排娜奧美屈絲趕住扮戴妃拍新片，湊仔呢個重任就留番畀男友里夫舒韋伯。里夫喺《變種特攻：狼人外傳》中雖然個樣幾得人驚，但係佢一湊仔就變慈父，噚日里夫喺紐約帶兩個仔Alexander同Samuel去踩車，為咗令囝囝玩得高興，佢擒高踩住兩邊鐵欄扮山窿，等兩個囝囝輪流踩車捐山窿。Alexander飛車飛到鬼咁高興，仲一頭舂落老竇個心口度，細佬Samuel有樣學樣衝埋去，真係驚里夫個肺會受傷。