蘋機會：DC未來報告

蘋機會：DC未來報告

數碼相機日漸普及，人人隨時隨地都能Snap。唔知下一步，相機又會變成點？好多設計師已經有不少奇想，未來相機千奇百怪，但唔少人都竟以手指作靈感玩Snap。　記者：韓繼聰

手指框做ViewFinder

攝影師愛用手指做出一個長方形來預計構圖，將來呢個手勢就有可能進行埋拍攝工作。日本情報科學藝術大學的學生研發出一部叫「Ubi-Camera」的相機。操作非常簡單，就是將手指插進相機即可操作，而手指架起的指框，就是相機的觀景器，要Zoom的話只需要把手伸前伸後。完成構圖，按下食指的掣即可拍攝，有型又方便。

用手指做ViewFinder，見乜就影乜，勁方便。

相機設計原型非常簡單，外形相當小巧。

C字手勢即拍

這一款「Air Camera」，兩隻手指套上像戒指的儀器，再做出不同的手勢，例如兩隻手指作「C」字形即可拍硬照，所有手指一起作「C」字就是拍短片，簡單過癮。不過就無得構圖，純粹拍Snap Shot囉。

一個鏡頭加上一個動作感應器，即可憑簡單動作完成拍攝。

「Air Camera」的鏡頭設有藍芽，影完相直接傳入手機。

搞鬼概念設計

「The Rub View Camera」省卻相機機身，一按掣原本透明的地方即可捕捉影像。

「Cropic DC」擁有一個型爆嘅透明芒，超薄之餘，特別處係可即時裁相做出最靚構圖。

擁有16mm魚眼鏡頭，能拍出圓形超Wide影像的相機，長形把手更方便自拍。

波士頓Steve發明的波形相機，一邊碌一邊影就可拍出無縫的全景相。

DC類似遙控飛機，上半部獨立飛行，下半部控制拍攝。

假想「Apple Camera」使用旋轉芒，方便自拍。

竹蜻蜓裝上鏡頭，就能拍攝飛行中的影像，簡單又具創意。