上周六非洲國家盃外圍賽第2圈，科特迪瓦首回合主場贏塞內加爾4:2，杜奧巴（右）入咗一球12碼，沙洛文卡勞、謝雲奴亦齊齊有波入。早前傳出魔獸可能會離開中超上海申花，重返歐洲搵食；但呢位34歲嘅老將賽後就間接否認，佢話：「為咗帶領國家隊躋身2013非洲國家盃決賽周，我會竭盡所能喺中國保持最佳狀態。」咁講都似喺中超有排踢，球迷唔使急住買飛過上海睇魔獸啦。