因為做咗黃宗澤同胡杏兒之間嘅小三而成名嘅內地藝人柳岩，前晚喺長沙擔任第九屆中國電視金鷹獎表演嘉賓，着到好性感、谷晒胸嘅佢落力跳中國舞，但唔知係咪胸太大失去重心定係因為有腳傷在身，一個唔小心仆街，好彩柳岩反應快即刻雙手撐住，只係雙膝跪咗喺度，唔使成個人趴喺地，如果唔係咪咪一定受罪，難怪柳岩起番身之後，都唔理鏡頭係咪對住自己，即刻望下自己對咪咪，好彩冇事，原「胸」不動，虛驚一場！
