昨日是立法會投票日，不少藝人雖然有工作在身，但依然抽空投票盡公民責任。一直支持反國民教育的黃耀明在北京工作完後，昨午即返港投票。佘詩曼昨日坦承每年投資單收利息便足足有七位數之餘，也不忘大談支持反國教，坦言要投票顯示立場！
壹週刊舉行的「健康第壹大獎2012」昨日在屯門巿廣場舉行，大會頒發十大健康之星給十位藝人，包括佘詩曼、黎耀祥、陳豪、鍾嘉欣和陳偉霆等，獲其他獎項的藝人還有唐寧和黃浩然等。
昨日是立法會選舉投票日，阿佘表示會投票盡責任，她說：「今年好強烈意欲投票，做完嘢會去投，國民教育係應該公佈教程，先去討論，政府應該接納巿民意見。」黎耀祥、陳豪和鍾嘉欣等則表示今年政治混亂，加上不太了解選舉資料，所以放棄投票，鍾嘉欣說：「冇時間留意，唔想求其投。」黎耀祥則指參選者似有道理又似無，所以自己不想投錯票。
黃耀明：投票郁佢
方力申、梁詠琪和王菀之等昨日均在微博留言呼籲大家投票，其中小方更在票站前留影，他說：「我投了票，你投了嗎？」一直關心香港政事及支持反國民教育的黃耀明，日前返北京工作，直至昨午才回港，甫返港即留言說：「回到我愛的香港，盡公民責任，投票郁佢。」
歌手梁佑嘉的父親梁平曾被揭所持有的單位「一屋7姓13票」，梁佑嘉昨日到沙田出席新城活動，她表示工作完後會去投票，但她說：「不過到家我都未有心水，但我一定會投，我知自己有兩票㗎。」區文詩和高鈞賢昨日到紅磡出席活動，區文詩也表示會投票：「覺得今次好重要，想為香港做啲嘢，特別係發生咗國民教育事件之後。」
彈特首抑樓價不力
此外，阿佘日前接受專訪坦認每次買賣樓盤有斬獲，最犀利一次有800多萬，其他基金和外匯投資更每年坐收六、七位數字利息，阿佘謙虛指自己不擅投資，目前只有一層樓揸手，阿佘說：「我主要做長線投資，覺得買樓穩陣啲，會考慮北京置業，因為當地有發展潛力。」她認為特首梁振英出招壓抑樓價力度麻麻。
憑《巾幗梟雄》成為視帝的黎耀祥對於有傳鄧萃雯被飛出《巾幗3》改用胡杏兒，顯得為雯女不值，他說：「咁講對雯女唔公道，就算飛埋我都可以有《巾幗3》，佢唔拍有十萬個理由。」採訪：張俊銘、譚倩宜、盧妹
攝影：陳志嵐
