【黃之鋒 訪談】在反國民教育集會的關節眼，沒有政黨的旗幟，沒有議員的聲音，一整個星期下來，立法會議員的身影零零落落，對學民思潮的召集人黃之鋒來說，他們掀起的這場運動，正正因為沒有政黨參與，才能滙聚到全民支持。話雖如此，但黃之鋒深明今天的立法會選舉是民意的對決，若支持國民教育科的議員高票當選，將重創反國教陣營的士氣，他呼籲手中擁有選票的你和我，為下一代，選出反對國民教育的候選人。過去15個月一直在街頭抗爭的黃之鋒認為，國民教育的議題本身與立法會選舉關係不大，「因為國民教育本身都唔使喺立法會通過，最多喺選舉完咗之後政府冇咁關注，不過我哋從來都唔係靠選舉，係靠我哋嘅理念同埋行動，透過佔領向政府施壓。」黃之鋒一直保持很高警覺性，不依附任何「大人」，竭力保持反國民教育運動純正，不被其他勢力騎劫，所以當左派發動攻勢，在亞視《ATV焦點》中指學民思潮是「破壞派」的棋子時，才會引發四萬「不平人」，向通訊事務管理局投訴。但也正正因為巿民的積極回應，令他相信，反國民教育行動喚醒了不少人關心社會，參與政治，對提高投票率有少許幫助，亦令更多議員關心事件，「如果今次選舉入面建制派得到好多議席，就會令我哋反對國民教育科陣營受挫，睇番呢幾日民調，自從絕食開始，支持國民教育科嘅候選人，民望就開始下降。」由學民思潮引發的佔領政總行動今天進入第11天，絕大部份參與集會和留守行動的巿民，都是以個人或團體的名義參加，政黨議員近乎絕迹，但原來孩子能夠洗個澡、乾乾淨淨上課，大聯盟、家長和學生能在安靜環境下開會，全賴立法會議員辦事處的職員在背後提供協助。「議會係我哋嘅後盾、基地，好似我哋呢幾日上立法會開會，冇咗佢哋根本唔得，提供好多資源、物資，議會係必須要守嘅陣地，但係講到社會變革、政策推動、搞campaign（運動），都係要靠番民間團體，今時今日學民思潮就係因為冇任何候選人站台做宣傳，為選票，先可以做到呢個規模。」他認為，民選議會可以迫令議員回應民意，「好多議員為咗選票喺度扮中立、扮溫和，好似陳婉嫻、梁美芬、謝偉俊，全部都係建制派。」雖然距離可以投下自己的選票還有一段漫長日子，但黃之鋒已經有一套投票基本法，「最基本係睇番議員嘅投票紀錄，好多人唔理議員投票投乜，淨係睇形象，我咁關注國民教育科，梗係投反對國民教育嘅人。」最重要的人，代議士要能代表自己的想法，而不是選明星，「選民應該投番啲你自己真正相信嘅嘢，同你有相同政治理念或者接近你政治理念嘅人，唔係睇個形象或者image。」 《蘋果》記者：張嘉雯