愛爾蘭領隊查帕東尼認真頭痛！點解？因為愛爾蘭喺上周五嘅世界盃歐洲區外圍賽中，作客魚腩哈薩克幾乎「鯁骨」，最後憑住羅比堅尼同奇雲杜里喺89同90分鐘嘅入球，先至反勝2:1。而喺呢場冇得踢嘅愛爾蘭國腳占士麥堅恩（圖），更加喺賽後於Twitter上，爆晒粗話好失望。雖然，段留言喺半個鐘後已被刪除，但麥堅恩都好可能要因此而被罰。