曼聯聯賽開季3場一共失咗5球，防線有唔少漏洞；查實家紅魔防線仲有唔少傷兵，當中20歲嘅菲爾鍾斯（左）就最黑仔，喺上星期嘅一次操練中再傷膝而要開刀，要唞兩個月；領隊費格遜肯定頭都痕埋。另外，其隊友前鋒朗尼表示，之前對富咸被開嘅大腿傷口，若果再移位多一毫米就會刺穿動脈，到時真係大件事，朗尼大呻好彩之餘，同時亦感謝主嘅保佑。