壹傳媒集團主席黎智英昨在DBC數碼電台烽煙節目中表示，今日立法會選舉是保衞本港民主自由最後堡壘之戰，選民必須出來投票，保住泛民關鍵24席，才能在議會抗衡保皇黨，向荼毒下一代的洗腦教育等說不。
民主黨不會再入中聯辦
黎智英昨在DBC數碼電台《風波裏的茶杯》表示，梁振英政府推出洗腦教育控制小朋友思想實在過份，傷盡天下父母心，「細路仔尊重嘅老師，竟然教佢哋假嘢，細路仔大咗會不分真假，道德崩潰，一定唔可以讓步」。他說，為了下一代，選民不要被教育局長吳克儉「屈機」做沉默大多數，今日出來投票，「坐喺屋企唔去投票嘅選民，請想一想自己嘅細路仔、親戚嘅細路仔。睇到街外嘅黑衣，就要去投票，聽日（今日）係保護香港自由最後嘅堡壘」。多名聽眾致電電台，轟民主黨入中聯辦出賣港人。市民周小姐指黎是「怪獸家長」，包庇做錯事的民主黨，希望黎及民主黨勇敢承擔責任，今次選舉過後重新上路。黎智英回應，民主黨主席何俊仁已就事件道歉，承認政治敏感度不足，「見過鬼怕黑」，不會再入中聯辦。現在真正戰場是泛民與反對派同心合力，踢走保皇黨。他呼籲選民不要投白票，投泛民及反對派「保住關鍵24席」。節目主持人鄭家富表示，若泛民及反對派未能取得立法會24席，就不夠票否決惡法，讓保皇黨在議會為所欲為。《蘋果》記者