美劇《色慾都市》女星莎拉謝茜嘉柏嘉，早幾日帶3歲孖女去紐約嘅公園玩。Marion一入公園就剝咗鞋仔，飛撲去鐵絲網度擒上擒落，搞到莎拉都好奇走去望一望，原來隔籬場有大哥哥打緊籃球，驟眼睇差啲以為佢哋兩母女坐監㖭！不過莎拉計錯數，本來以為搵人幫手推囡囡Tabitha玩鞦韆可以慳番唔少力，但走嗰陣Marion竟然企上BB車後面嘅貴賓位，要瘦蜢蜢嘅莎拉一個推兩個，陰功！