關仁隱事:<br>「窿窿」樣靚手醜好避忌 - 關仁

關仁隱事:
「窿窿」樣靚手醜好避忌 - 關仁

查實近年大婆台鬥靚會參賽者嘅水準都有上升趨勢,但水平始終無復當年,神枱級美人「窿窿」就係經典,佢好似食咗防腐劑咁永遠唔老。

多青筋幼紋

對於自己個樣咁多年嚟都保養得咁好,窿窿都好自豪,不過關仁聽啲太太團講,原來窿窿有個死穴位,就係佢嘅一對手。手最容易洩露女人年齡秘密,唔知點解,窿窿對手特別多青筋同幼紋,似足阿婆手。因為咁,窿窿每次出席公開活動,只要有人影相,就會即時收埋對手,一係放喺背後,一係左右手搭住遮一遮,避免對手上鏡。Text by關仁