張名雅參選港姐期間，有人報料指她曾經墮胎、整容，又因選美而撇男友，同時喜歡靠關係。奪冠後，繼續有人報料，日前一名聲稱是張名雅溫哥華讀書時的同學，指張名雅人品極差，狗眼看人低，得獎後，隨即刪除她的facebook戶口，人前人後兩個樣，直指張名雅不配做香港小姐。
聲稱轉玩微博
昨日三名應屆香港小姐張名雅、黃心穎及朱千雪和許亦妮等，出席在鑽石山荷里活廣場的《星光熠熠耀保良》記者招待會，張名雅表示在溫哥華認識一個叫Josie的人，她說：「佢係我朋友個朋友，係參加唱歌比賽識，有幾年冇聯絡，之前都係佢傳短訊畀我。」
對於指做了港姐刪除朋友，張名雅否認說：「唔係，我之前個facebook停用，家主要係玩微博。」
多番被指品格有問題，張名雅表示不介意：「我唔會嬲，我個人好隨和，識得我嘅人知我係點就得喇。」她稍後會為《星光熠熠耀保良》首度演出，早前有指她將表演踩鋼線，不過她昨日說：「其實我到家都未知，我自己都唔抗拒去做，但我對跳舞表演嘅信心大啲。」
朱千雪今投票
朱千雪表示今日會盡公民責任投票，她說：「之前因為要籌備選美，搞到冇時間睇候選人啲政綱，所以我會喺投票前走去了解一吓，又或者問吓街坊意見。」她又承認近日反國教的事件會影響投票，但她仍會先了解候選人的政綱再決定。
採訪：楊潔雯
攝影：陳志嵐
