【本報訊】在廣場上有很多來過多晚的常客，也有更多是在9.1開學禮集會後，再次踏足政府總部。失明的，拿着柺杖碰碰撞撞也要來；患玻璃骨病的，坐着輪椅入場；經歷文革浩劫，冒着血壓飆升風險也要出席。心願只有一個，就是政府撤回國民教育科。
記者：倪清江、潘柏林、陳沛冰
一個人來的胡太，在70年代「社運八老」絕食範圍欄杆外，不停抹淚，「好感動，見到佢哋老人家都行埋出嚟為成個香港抗爭……政府好麻木不仁，好偽善，呢件事係大是大非嘅事。」胡太沒有參加9.1集會，因為讀小六的兒子發高燒入院，一星期來都要照顧他，「一直好想來，今日情況好咗少少先竄出嚟，一陣間就返去。家退咗燒，身體比較虛弱，但都唔緊要，呢度緊要啲。」她說就算全港大罷課，都是政府逼成，「點解一早要撤唔撤，政府成日都講大話。」從事金融財經業的潘先生，與太太請假，趁日間人少帶八個月大的小寶寶參加人生首個抗議集會。他批評政府最初拒與學民思潮成員商討，錯失先機，「去到撤同唔撤立場，已成水火不容階段。」
「明顯有人要求推呢科」
他質疑政府推展這科背後原因，「以前推新學科，諮詢年幾兩年先推，今次諮詢幾個月，求求其其推一科，好似交功課，好明顯背後有人要求推呢科。」雙目看來沒甚麼問題的60歲劉先生，其實8歲時因頭部受傷，早已失明。他於灣仔從事按摩工作，昨放工後專程坐的士到金鐘，再靠枴杖一步一步走到政府總部，留下反國教三腳足蹟。「要嚟維護香港核心自由民主，好擔心下一代會被洗腦。關乎民生、社會嘅唔做，只睇大陸頭。」患有玻璃骨症而要坐輪椅的王小姐，昨下班後自行坐電動輪椅到政府總部，是首次參加反國教集會。「自己沉默咗好耐，如果有一啲嘢一路對佢沉默，會越來越猖狂，所以要站出來說不。」另一患了玻璃骨的楊小姐，家住天水圍，也在天水圍工作，昨午放工後仍然乘坐鐵路到來，之前未曾參加反國教集會，「課程指引偏頗，點可以講一個國家好、黨好。」她認為這麼多人表達訴求，政府不能置之不理，「以後有乜政策唔合理、不公義，都冇乜方法反抗，以後可以點？」78歲的霍老伯夫婦昨聯袂到政府總部，因天時配合，霍婆婆說：「我哋有病，血壓高，太曬又激動會好危險，因此之前幾次都係睇電視，今次真係忍唔住先出嚟。」
讀左校兩老憶洗腦經歷
兩老在港出生，在一間左校讀小學，是他倆坎坷前半生的開始。霍婆婆說：「一早已被洗腦，到中二時爸爸知係共產黨學校，想我轉校，但我唔肯，老師講乜就信乜。」他們50年代響應中共呼籲回大陸建設中國，在學校當教師，結果遇上連串政治厄運，「反右第一次整頓，唔關我事；到最後文革關我事，成日俾人懷疑做特務，俾人押出街遊行。」到73年他們才逃回香港，猶有餘悸，所以要出來反對洗腦國教科。
