《港島區》【本報訊】女人的梳妝枱是男人難以明白的謎陣，美白、抗皺、去痘……應有盡有，轉季期間卻仍可以搜索出一瓶叫「平安藥」的東西，專門對付敏感脆弱皮膚，如果這系列可以冠名，大抵可以直接叫「何秀蘭」。當其他立法會候選人大聲疾呼自己有多好，工黨的何秀蘭（Cyd）醒目地sell低調、賣實力，用另類方法包裝「人冇我有」。何秀蘭講說話淡淡然，跟記者說搞花邊和走在台前不是她擅長；對於議會內的苦悶工作，則侃侃而談、如數家珍。阿Cyd說法律審議是她至愛，專責調查委員會也「做到上晒癮」，「好多魔鬼喺細節入面，盡可能挖佢出嚟，好多法例喺審議嘅時候無乜嘢，佢嘅威力係有人俾人告時先睇到」。
政治環境「點止溫水煮蛙」
她強調與公民社會聯繫，過去一直默默做同志平權、居港權等議題，令不少人反感，「喺比例代表制下都唔敢講，咁我哋做咩議員呢？」她的其他政績還包括為基層家庭兒童爭取上網津貼，令警署剝光豬搜身由每月300多個降至20多個，「過去一路有工作，唔係閂埋門先嚟做。」2004年落選那一年，她讀書、到外地交流開會，積極參與社運，她視之為好好的磨練，結果聚沙成塔，凝聚一批堅實支持者。說到其他對手的旗海、人海戰術，她突然感觸，「呢啲都係用錢換，唔係用心換，其實好多民主黨派長期做嘢，希望大家睇到，邊啲人長期工作，邊啲人好似煙花爆發，要分清楚。」如果讓她繼續留在議會，她希望可以團結泛民，因為社會上有六成溫和派，不能單靠百分之十的行動派。她又形容現時的環境「點止溫水煮蛙咁簡單」，「直情係打緊邊爐淥熟緊，大家唔好諗住我投一票有咩用呀？多啲人走出嚟個局面就唔同」。