大學講師張超雄，算是「靠把口搵食」，但他從來都不是個口若懸河、滔滔不絕的人；今次選舉，或多或少令他拋開木訥的一面，帶來少許改變。張超雄的辦公室內，放了一大樽浸得漆黑的鹹甘桔，他笑說嗌咪後很有用，然後「自動波」訴說近日嗌咪的得着，張超雄說：「我家識得唔停咁講嘢30分鐘，初初嗌咪係會冇人理你，但你講吓講吓，就會有人停低聽，再講講吓，就開始有人會點頭……係有用㗎！」讀美術出身的范國威，選舉宣傳品最是精美，Q版人形紙牌、淋紅油上身反赤化，宣傳品設計出位，卻苦無發表渠道。他自嘲：「我哋新民主同盟其實係新民主窮人，我哋冇錢係港鐵車廂賣廣告，惟有搵助選團拎住個人形紙牌，走入地鐵車廂內做人肉宣傳」。《蘋果》記者