眾藝人對反國教議論紛紛，胡杏兒和呂慧儀昨日到灣仔出席手錶活動，杏兒雖穿桃紅色裙，但她直言支持反國教：「諮詢好重要，要搞清楚先開始，既然政府唔急，家長又唔多支持，咁不如唔好實行住。」有指有藝人被下令封口，她謂沒聽聞。杏兒謂希望於11月前搬進新居，是否想盡快跟黃宗澤斬纜？她說：「唔好咁講，大家仍係朋友，希望有新生活。」
陳美琪斥害細路
力撐反國教的陳美琪，連日來遭「五毛黨」在微博人身攻擊，她昨在微博還擊說：「特首梁振英，這裏是香港、不是北韓。」陳美琪昨在電話說：「國民教育點解唔修改好先推出？話試行三年，係咪賠番三年畀我細路？山埃都唔可以俾人試食啦。我覺得呢個唔係愛國教育，係演藝教育，小朋友咁天真，點解要扭曲佢哋？」
一身黑衫的任賢齊昨日在金鐘宣傳，他表示之前在台灣拍戲，沒特別留意反國教活動，他的仔女在港讀國際學校，故不受牽連。
採訪：譚倩宜、張俊銘
攝影：陳慧安、陳志嵐