法定古蹟景賢里獲納入發展局第三期「活化歷史建築伙伴計劃」，最終由前特首董建華胞妹金董建平任董事會主席嘅水墨會，同營運上環西港城嘅時代生活集團爭奪活化計劃營運權。兩個入圍機構活化模型噚日曝光，並喺九龍公園文物探知館公開展覽收集市民意見。
水墨會建議將景賢里打造為水墨館，除咗搞展覽外，又會請水墨大師即席揮毫。最特別喺新翼採用沉降式結構，頂部同入口同一水平，而外型更加做到似中國墨硯，切合主題。水墨會初步計劃每星期開放星期六、日，星期三同星期日就免費，其餘日子就要成30蚊。
時代生活集團活化做證婚禮堂，每日有免費導賞團，市民仲可以喺景賢里結婚，每兩小時收費5,000蚊。