求驗客手記:俄轉會窗死線冇驚喜 - 求驗客

求驗客手記:俄轉會窗死線冇驚喜 - 求驗客

俄羅斯嘅夏季轉會窗終於喺周四關閉咗,相比起幾日前辛尼特豪花9,000萬歐元(約8.8億港元)簽入侯克同韋素,喺死線日嘅交易就真係小巫見大巫;只係熱刺嘅賓尼(圖)被外借至羅斯杜夫,同埋祖雲達斯左閘薛格拿借去莫斯科火車頭。早前傳話走硬嘅曼聯翼鋒拿尼,最終都冇過到辛尼特,有指佢周薪13萬鎊(約161萬港元)嘅要求實在太高;至於另一熱門艾沙維,就話想留喺阿仙奴爭正選,唔返祖國養老。