「偉仔賽前同我講，『媽，我可能攞唔到牌』！」男子200米衝線一刻，蘇樺偉放下心頭大石，在港通宵等消息的蘇媽媽（右）接過愛兒的電話後興奮到失眠，「佢真係匹『超班馬』，屆屆有牌攞，前無古人！」讚賞背後，慈母其實想愛兒落實退役，因怕他辛苦。
怕偉仔飛巴西辛苦
蘇媽媽在昨晨3時得悉喜訊後，不斷收到親友的whatsapp和微信，還有接受傳媒一連串的電話訪問，忙足一整個清晨，直至天光時終於接過寶貝仔的電話，蘇媽媽說：「佢不停講好開心，話要買手信畀我，我就叫佢唔好亂買嘢，因為倫敦啲嘢好貴。」
「港產劍后」余翠怡日前贏得殘奧歷來第7金，打破偉仔6金的舊紀錄；前4屆均有金牌落袋的偉仔更在今屆「斷纜」，對蘇媽媽來說愛兒沒有輸掉比賽，而是欣喜他真的成長了。她說：「畢竟就快31歲，100米佢最後幾步力度弱咗，錯失獎牌。佢同我講今屆可能冇牌，我答佢『阿媽點都會撐你』！」這面200米銀牌，得來不易。
「超班馬」都有退役之時，周四一仗大概成為其殘奧告別戰，「4年前跑完北京奧運，佢應承唔跑，最終又去咗倫敦。4年後35歲，驚佢飛去巴西辛苦。」偉仔的倫奧之旅完結，或會依依不捨，但回港後可以嚐到媽媽的雞湯，兩母子還會到內地短線遊散心。
本報記者