【娛圈反國教】隨着撤回國民教育科的民意大象日漸堅壯，演藝界紛紛加入支持行列，但有指中聯辦曾致電娛樂公司高層，要求旗下藝人不要參加反國教集會和表態。連日撐學生的容祖兒，前晚演出《勁歌》時力撐杜汶澤敢言，事隔一晚，昨日她出席活動時只說：「我冇收到呢個指引，我要表達嘅嘢之前講晒。」
容祖兒、林峯、鍾舒漫和泳兒等英皇歌手昨日到澳門出席「澳門特別行政區國慶體藝匯演音樂會」記者會，提到有傳中聯辦向娛樂公司高層施壓，要求旗下藝人和歌手不要參加反國教集會，不許再為此表態，眾歌手雖否認有此事，但連日來撐學生的祖兒，昨日變得避忌說：「我冇收到呢個指引，我要表達嘅嘢之前講晒，我冇乜特別事要補充，只不過係關心啲小朋友，安排一個最好教育畀佢哋。」
力撐杜汶澤敢言
談到有大專生倡議在911罷課，祖兒只說：「希望事情盡快處理好，唔希望再拖落去。」不過，前晚祖兒在電視城錄影《勁歌》時，對於好友杜汶澤「被收聲」，她力撐說：「唔可以管制人哋嘅發言同立場，佢從來都係好敢言嘅人，我都好欣賞佢。我相信佢好清晰知道自己做緊乜嘢，我都想學習佢某啲表達能力。」
泳兒和鍾舒漫也否認曾收封口指令， 鍾舒漫說：「以我所知，所有人都冇收到呢個通知，都係希望市民同政府好好溝通。」林峯則說：「我不嬲唔講呢啲話題，我唔識表達同工作無關嘅事。」問他不擔心fans被洗腦？他說：「我fans應該擔心嚟緊頒獎禮嘅事。」
黃德斌：反國教
陳偉霆昨日出席活動也表示未收到指引：「我唔太相信有言論打壓，中央好大方，一個咁強咁大嘅國家，唔會因我呢啲小人物嘅一句話封殺我。」黃德斌前晚則表態支持反國教，他說：「支持反國民教育，香港需要咁嘅聲音，官員應諗吓先講嘢，由佢哋管理香港真係有啲大件事。以前讀歷史乜都有，家有啲冇咗，有啲避唔寫，仲話要學生唱國歌時喊，喊唔到咁點算？」
採訪：馬建華、卓寶花、黃曉妍
攝影：陳志嵐