鄭伊健、容祖兒和羅力威前晚在電視城錄影《勁歌金曲》，對於亞視節目《ATV焦點》抹黑學民思潮舉動惹來公憤，杜汶澤也以在亞視出身為恥。
「飲水思源」
曾被稱為「亞視之子」的羅力威被問到此事時說：「亞視之子唔係我，係亢帥克，我會套用老闆嘅一句說話，大家都要爭氣，喺邊度都係唱歌，可以管嘅事唔係太多。」
問羅力威會否以亞視出身為恥？他反問完阿澤的說法後，略帶猶豫說：「始終我嘅社會經驗未夠，要喺旁觀者角度慢慢睇，我未知佢點講，但我覺得點都要飲水思源。」會否支持國民教育？他說：「我手上冇嗰200至300頁紙嘅指引，所以覺得唔好咁輕易評論，或者諮詢期長啲，等大家了解多啲。」宣佈明年結婚的伊健獲舊愛邵美琪恭喜，他說：「係呀，我覺得最緊要大家開心。」
採訪：何慧斯
攝影：陳慧安