前日《ATV焦點》為咗抹黑反國民教育運動，不惜擺已故北大校長蔡元培上枱，話蔡校長不滿政府時，都唔會用絕食抗議，仲叫反國民教育嘅學生同政客去蔡元培嘅墓前，鞠躬同反思。有網民頂唔順亞視借先烈蔡元培過橋，嬲爆之下走去蔡元培墓前留下一束花同一封信，借此同蔡校長打小報告，話香港竟然出現一個曲解史實嘅電視台，仲將佢嘅說話斷章取義，行動獲唔少網民讚好。
網民走去拜祭蔡校長為先賢平反之際，社民連梁國雄噚日就拉隊去廉政公署，投訴亞視嘅《ATV焦點》抹黑民主派。浸大有個宿舍叫做蔡元培堂，呢個hall噚日亦發表聲明，聲討亞視嘅行為令人深痛惡絕，認為亞視係將蔡元培嘅說話斷章取義，亂扣帽子。