樂壇新人曲婉婷前晚喺九展舉行亞洲巡唱香港站，余文樂、彭浩翔同高海寧等捧場。曲婉婷獻唱多首英文同國語歌，其間佢仲除咗高踭鞋唱歌，佢又公開多謝彭浩翔，因彭用咗佢啲歌做電影主題曲，令佢多咗人識。曲婉婷話陳奕迅透過同事向佢話，因為要拍MV所以睇唔到佢嘅騷，佢仲話之後會去溫哥華、紐約、北京同上海開騷。