美國天后瑪麗嘉兒噚日出席美式足球聯盟開幕禮，做嘉賓演唱之餘又乘機宣傳下隻新歌，但佢可能驚住大家覺得冇新意，於是抱埋自己隻狗出場，嚟個狗瑪合唱。瑪麗又攞住把紅色摺扇跳舞，仲有把大風扇吹住，乜現場好熱咩？而瑪麗嘅前經理人Chris Lighty日前自殺身亡，剛啱喺當日出殯，瑪麗冇影之餘，亦冇講過任何說話，好似幾無情喎。開幕禮仲有女歌手Gwen Stefani騷肌肉，同粗腰瑪麗成反比。
