亞視公關區展程（Gilbert）上月底突然請辭，他前後效力亞視長達18年，據知是因越做越心淡，加上該台發展停滯不前，Gilbert實行早走早着，過檔RoadShow任公關。問到是否對亞視心灰意冷？他昨在電話中說：「唔係，我想試新嘢啫。」
亞視藝員們不捨合作無間的Gilbert，日前替他餞行，劉錫賢、筱靖和顏子菲等，與台前幕後合共30人參加飯局，Gilbert說：「嗰晚好開心，大家都好盡興，我仲收到佢哋用我喺亞視工作嘅舊相，整咗份禮物畀我留念，佢哋好有心思。」
對於亞視日前因評論節目《ATV焦點》在沒證據下炮轟學民思潮，令觀眾反感投訴，Gilbert說：「可能大家文化唔同。」
採訪：林妃