劉鑾雄（大劉）女友、懷孕約6個月嘅陳凱韻（甘比），前日下午4點半現身銅鑼灣，作為一女之母嘅佢一身黑裙黑鞋，似乎暗撐學民思潮反國民教育嘅行動。
三婆孫買燈
甘比拖住3歲半嘅囡囡秀樺，同媽咪及保鑣行宜家傢俬，唔使10分鐘就睇中盞燈，由保鑣攞貨畀錢，甘比就同媽咪行先。畀完錢嘅保鑣好快追上前為腹大便便嘅甘比開路，一行四人去咗樓上宜家嘅食物部，再行咗陣就離開，跟住就過馬路去對面大劉旗下嘅皇室堡。嗰度已有另一名保鑣同司機守候迎接甘比，將戰利品放上車。
甘比之後去咗皇室堡三樓買雪糕畀囡囡食，跟住佢哋就落樓，上咗掛有「1 M1SS U」車牌嘅七人車離開。
採訪、攝影：梁繼光
