黎耀祥接受商台訪問，提到之前被人摷番同前妻嘅戀情嚟講，佢話都好無奈。祥仔對現任太太讚不絕口，但講到太太被指是第三者，祥仔話：「我同太太都好明白，每個人都想維繫感情，但需要時間，如果維繫唔到反而係傷害。可以咁講佢（太太）係第三者，但感情世界冇對錯，如果唔鍾意嗰個人又或者大家有問題，但仲繼續落去，係咪對嗰個人係好呢？」