巴洛迪利因要接受矯視手術，錯過咗意大利未來兩場世盃外，不過由於只需要大約10日時間康復，巴神就趕得切喺曼城候命。曼城下輪英超作客史篤城，如無意外佢呢場波可以上陣，出戰之後幾日嘅首輪歐聯分組賽就更加冇問題。曼城歐聯首戰面對皇馬，巴神將會同摩連奴再碰頭。兩人當年喺國米關係一般，摩帥仲經常公開批評巴神，家陣各為其主，巴神一定想還以顏色。