貝碧托夫喺上個月臨門一腳轉軚,飛緊去意大利途中先決定背棄費倫轉投富咸,激到費倫紮紮跳。當時貝碧飛去佛羅倫斯,機票都係費倫提供,後者決定要對方賠償,向貝碧追討番機票錢。費倫球會體育總監柏拉迪話:「我從未見過咁荒謬嘅事,所以我希望佢經理人賠償,還番機票錢畀我哋。」另外,保加利亞教練彭尼夫原本想重召貝碧出戰世盃外,但後者堅持唔再效力國家隊,最終都未能成事。