噚日返到公司，CCTVB嘅記者，個個枱頭都有個署名大信封，嚇到唔少人標冷汗，以為觀眾係咪因為唔鍾意CCTVB咁河蟹，整啲炭疽信畀佢哋嘆吓。點知當大家屏氣凝神打開信封後，有人感動到幾乎落淚，有人則笑到見牙唔見眼。
事旦男到廣管局抗議
究竟封信講啲乜？頭一句已經係勁爆嘅「『新聞自由』不單是新聞總監的自由」，接下來呢一段，更加令大家回味無窮：「當你面對抗爭者的鄙視，良心的呼喚，請記起來，你不是袁志偉的寫手，你是一位新聞工作者，新聞並非總監傳揚個人信念的地方……一同發起不合作運動，尋回一個讓記者能夠抬起頭採訪的新聞部。」
點解呢為市民，對袁志偉咁鬼有針對性㗎？八方真係唔知，亦唔想猜測呀，但相信大家一定支持佢哋搞不合作運動囉。事旦男前日則再度出招，拉banner去廣管局請願，抗議CCTVB將立法會地區直選選舉論壇安排喺翡翠台嘅凌晨三點播放，搵鬼睇呀？擺明配合政府冷處理選舉啦。
