個案四：政總，雨後，深夜。寧靜與日間的喧囂成強烈對比。許多集會人士都倦極入眠，但數名青年像有默契般，站起來拾起日間人們遺下的垃圾，細心地分類並包裹起來，讓清潔工人翌日收拾時不會太辛苦。這一切都由攝影師Joey默默記錄下來。
主動執垃圾細心分類
「我經常到處影相，包括不少遊行集會，都成日見到啲人主動執垃圾，但細心到將啲垃圾分類，真係第一次。」受學生們的熱情感動，Joey連日來都跑到政總，以鏡頭為他們作記錄，「每人各有專長，有領袖能力嘅嚟到就幫手維持秩序，藝人就嚟上台講嘢，我淨係識影相，都希望畀多啲人睇到佢哋嘅努力。」攝人無數，學生們的赤子之心，仍叫他忍不住一次又一次按下快門。「垃圾入面好多係食剩嘅飯盒，佢哋唔怕污糟，就咁用手分開啲盒同殘渣，將垃圾分類處理。」他又曾見到幾位中學生，手忙腳亂地試圖掛起示威橫額，「想綁喺條柱度，但啲繩又唔夠長。我借膠紙畀佢哋，佢哋又唔識用，好儍氣」。這些毫無街頭抗爭經驗、單憑公義之心行事的年輕人，連日來都化成一幅幅相片，並由Joey上載到facebook群組「學民思潮（Scholarism）萬人聯署！」《蘋果》記者