夾仔基

諧星占基利早幾日趁住美國勞動節假期，約埋大班朋友去加州馬利布嘅海灘玩。唔知占爺係咪好耐冇見過個孫，佢見到朋友嘅仔女就非常熱情咁同啲細路玩，仲肉緊到用腳夾實人哋個仔。個小朋友可能俾佢嚇親，一見到阿媽即刻向阿媽狂奔，想逃出占爺嘅魔掌。

後來占爺同朋友喺海邊傾偈，人哋攞住杯酒，佢就九唔搭八攞住汽球花，繼續想細路，但啲細路都唔多騷佢囉。