俗語有話：「食嗰度就唔好屙嗰度」，但今時今日，既然有人提倡飲尿治療，那麼，將食物跟便便拉上關係，也不算過份吧！何況，啲「便便」咁好味又Cutie，一試亦無妨。難怪深圳這家便便餐廳，越做越旺場，更成為年輕人的聚集地。文、攝：晉易
這家開在東門人流最旺處的「便所主題餐廳」，在中國已經有20家分店，而東門分店更是全國第一間，生意好到幾乎日日由下晝爆到夜晚。老闆彭先生透露，此店的生意額係芸芸分店中排名第二，「係呀，好多時星期五、六，黃金時間來都要等位！」等位？這裏以便所、淋浴間作裝潢，環境相當闊落喎，少說都有五、六千呎，爆晒？等位？場面豈不十分壯觀？其實，這餐廳已開業四年，以日式便餐（簡便餐食）為主要菜式，其中生果口味的馬桶大冰、外形帶點卡通感的便便冰淇淋更是招牌食物，配合「便所」主題。行了一圈，我發現客人多是年輕男女，其中三三兩兩的女性人客更佔大多數。「可能係啲卡通造型可愛啦，所以女性客人居多，男女客人比例係3比7左右，男生來的話，都係陪女仔上來。」彭老闆解釋。
創造快樂回憶
同行朋友最先聽到「便所」其實有點抗拒，不過看到所有的食物、環境其實都只是一種卡通化的形象，總算變得寬容了。賣「得意」，來一兩次還可以，能夠屹立市場這樣一段長時間，應該總有其成功秘訣吧？熟客Sandy就告訴我，這裏食物質素很不錯，而且菜式也不時推陳出新。「既然主攻年輕人，就要經常求變，「好似最近就推出『就是醬樣子』嘅活動，食小食，就一共有七種不同特色醬汁，顧客可自由選取自己喜歡嘅口味。做得新奇嘅，人客就最鍾意。」彭老闆又說，除了經營一盤生意，他也希望餐廳能為客人創造快樂回憶，所以最近店中更引入一個「黃金便便人」跟大家拍照留念。這一招，我看客人們的確頗為受落，回頭再看看朋友嘴邊沾着朱古力便便冰淇淋，相信他也接受了食同屙其實係可以擺埋一齊的。
便所主題餐廳（Modern Toilet）地址：深圳東門步行街解放路1004號二樓電話：（86）755-82229281平均每人消費：約￥50