梁振英今晚啟程到俄羅斯，出席亞太經合組織會議（APEC），極大機會與國家主席胡錦濤會面，有人指今次是梁振英7.1上場後首度與領導人會面，不知他會否被阿爺狂「抦」？季陶卻聽聞，政界質疑上次梁振英表面上到蘇梅島度假，實質卻暗地到北京接受「訓斥」，相信梁振英已領教過阿爺有多厲害！
傳聞曾到北京受「訓斥」
季陶昨與一政界中人吹水，大家也說要買定花生等看梁振英被抦的好戲；對方卻笑笑口稱：「你估梁振英上任後未試過畀阿爺抦咩？」
原來政界早已流傳，梁振英上月初聲稱到蘇梅島旅行，實質是掩人耳目，藉此取道到北京與阿爺會面。有圖有真相，不是有市民曾在蘇梅島發現梁的蹤影嗎？有心人卻提醒季陶：「有冇諗過點解蘇梅咁多香港人，只係得一個人影到佢？而除咗張相，又冇佢喺當地活動詳情？」
而在梁振英身在蘇梅的相片流出後，據知曾有傳媒到蘇梅尋找其影蹤，卻遍尋不獲，到底他是否真的在該地逗留了幾天？季陶不得而知，有人則再提點季陶，以梁振英的戰鬥格，怎會在梁班子劏房醜聞等政治炸彈多多之際去度假？到底是否一如傳聞去到北京受「訓斥」？相信讀者心裏有數。立法會選舉在即，國民教育又不知如何「收科」，梁振英「面聖」時，會不談到這些問題嗎？
季陶