網絡作家向西村上春樹嘅小說《東莞的森林》，被導演胡耀輝改編成3D三級片《一路向西》，眾模同男主角張建聲床戲連場，該片本月20日上映，為突破《3D肉蒲團之極樂寶鑑》嘅逾四千萬票房，《向》片近日不停造勢，仲玩埋嫖客橋。
女觀眾要認雞
同樣D奶嘅Jeana同張暖雅，喺片中大鬥C奶「向西張靜初」莫綺雯，張建聲拍完自爆挑唔起性趣，宅男睇住啲模3D球來球去，一定睇到鼻血長流。《向》片內容圍繞嫖客去夜場，胡耀輝透露電影公司會搞新意思，首日喺某幾間戲院，男戲迷買飛時唔怕醜直認：「我係嫖客，一路向西。」女戲迷自認：「我係雞，一路向西。」嘅話，就有買一送一優惠，不過張戲票會貼上嫖客貼紙，當然嗰張免費戲票由電影公司支付。
《向》片題材敏感，內地止步，同胞要睇就要南下來港欣賞，原來最初電影公司想用《東莞的森林》，但有內地機關認為戲名影響形象，馮仁昭就此求證胡耀輝，佢噚日迴避話：「過咗去嘅事唔想講，家最緊要部戲收得，觀眾鍾意。」
