土生洋將Shay Spitz（黑衫）噚日第二日跟傑志操練，雖然教練甘巴爾話要繼續觀察佢嘅表現，不過，傑志教練團睇過呢位同美國水怪史畢茲同姓嘅左閘，評價唔錯，加上屬本地球員身份，加盟對兵源調動有幫助。Shay收操後話，喺香港出世後就同家人移居葡萄牙，之後去咗澳洲，喺當地完成高中，就搬去美國讀書同踢波；現屬自由身，好想喺香港落班，仲樂意攞埋特區護照代表港隊㖭！