羽壇「神雕俠侶」林丹（左）同謝杏芳將會喺9月23號擺結婚酒，佢哋嘅伴郎、伴娘團名單亦已經公開。3個伴郎包括同林丹同期出道嘅好兄弟鮑春來（右）、仲有師弟陳金，同埋內地著名演員任泉；姊妹方面一樣咁好波，有倫奧女單金、銀牌得主李雪芮同王儀涵。另外，同林丹惺惺相惜嘅馬來西亞名將李宗偉話，雖然嗰日有機會要打日本公開賽嘅決賽，但佢會盡快打完場比賽，飛去北京祝福林丹。