今個星期五，NBA名人堂將會有幾位「新丁」加入，當中名字最響嘅，一定係前溜馬3分射手米拿（左）。呢位以2,560球3分成為NBA史上，第2最多命中3分球嘅後衞，入選實至名歸。由於家姐雪露米拿（右）喺95年已經打入名人堂，所以米拿話最開心係，第一個家族可以有兩個名人堂成員。今次大會好識做，除咗搵魔術手莊遜同巴克利兩位名宿之外，仲叫埋雪露米拿嚟介紹米拿入場。