為咗監察以前成日花天酒地嘅韋利（圖），意甲國際米蘭曾透過意大利電訊公司，偷聽韋利電話；後來韋利發現咗呢件事，控告國米同電訊公司，最後法庭判國米同電訊公司要賠償佢100萬歐元（約980萬港元）。事緣韋利喺99到05年、佢踢緊國米期間，成日去蒲去玩，班主莫拉堤就暗地聯繫電訊公司，監控韋利嘅通訊。到韋利離咗隊後嘅06年，佢先至發現到監聽嘅器材，非常憤怒；告上法庭，要求電訊公司賠1,200萬歐元，國米就要賠925萬歐元。單官司搞咗6年之後，日前終於宣判，意大利民事法庭覺得韋利嘅要求過份，只判佢獲得100萬歐元賠償。