【本報訊】一次又一次的數萬人怒吼，一個又一個的揮筆聯署，梁振英政府仍視若無睹；直到學生、家長、老師絕食，要求撤回國民教育科，政府依然蔑視蟻民呼聲。10名家長、教師和大專生接力肩負起絕食重任，有人昨血糖偏低、頭暈、嘔吐，但仍堅持要用盡力氣，振臂保護孩子。林鄭月娥昨晚仍一意孤行，激發多三人加入絕食行列，何芝君則不適送院。
記者︰馬志剛 李雅雯
面對近萬人昨日齊集政府總部，當局仍充耳不聞。昨日有醫生為絕食10勇士檢查身體，當中五人血糖已偏低，出現頭暈、嘔吐症狀，63歲的退休教師韓連山、理大退休副教授何芝君、黃瑞紅及李成康要飲葡萄糖水補充糖份，也有人餓至胃痛要服藥。大會表示何、黃二人情況較差，但會繼續堅持。
晚上參與集會者陸續湧至，10勇士也分別道出絕食宣言。體力欠佳的家長關注組成員代表黃瑞紅說話甚慢，卻是字字鏗鏘，「洗腦國民教育觸碰咗我作為母親嘅底線，我一步都唔會退讓。為咗我哋嘅孩子，為咗我哋嘅未來，我會以溫柔同堅定嘅意志，話畀CY聽我哋每一個家長，係一定會抗爭到底！」
多三人加入絕食行列
年屆60的理大前副教授何芝君身體也轉弱，簡單宣言也要逐字吐出，「唔撤回國民教育科，我哋誓不罷休，CY你聽唔聽到！」晚上她上台發言後體力不支，要坐輪椅接受醫生檢查，其後送院。林鄭晚上宣佈企硬不肯撤科，社工姚冠東、家長關注組成員潘淑英、黃邦豪決定加入絕食行列。姚冠東表示，林鄭說話令他憤怒，即使家人擔心，也要加入抗爭。
絕食者中最年長的退休教師韓連山，為昨日市民自發到場逼爆政總感到自豪：「我覺得香港仲有希望！」他說，過去一年多學民思潮年輕人鍥而不捨，牽動全港市民反對洗腦科的情緒和意志，「我只不過係一個年紀老邁嘅退休者，但我唔會就此罷休，一定會同大家企埋一齊奮鬥到底。」
為下一代繼續撐下去
教協副會長黃克廉直斥特區政府「講大話，一個接一個」，他指當局重複表態指可以慢慢傾講道理，但三次公開約吳克儉局長對話，「三次吳克儉都變成唔出現，究竟係邊個唔講道理！」大專行動召集人李澤民就說，今次絕食行動「唔係畀冷血無情嘅政府睇」，而是希望有更多人加入抗爭行列，說到一半更淌下男兒淚，「除咗胃痛、血糖唔夠高，我哋仲面對好大壓力，仲要面對屋企人，令到佢哋好傷心」。學聯秘書長李成康許下承諾，為了守護下一代，他會繼續撐下去，「不單止我哋十個人絕食，更重要係大家一定要企出嚟，守護香港。」